من طرف يوم ضاقت قلت وينك يالفرج
قال جيت وشفت حولك ألف صاحب وخفت اسبب لك حرج
ارتكيت .. بس وين اللي يشيل الحمل وينه
وين ذاك اللي ذخرته للظما قطرات وينه
وين أبو الفزعات عني ماقدرت ألقاه وينه
من لمحني فوق كف الموج .. فظ
وكسر الــــــــواح الرجا.. بيني وبينه
حز نفسي .. غص في حلقي
ورض كل ضلعٍ لي معاه..وغض عينه
(يحسب إني مت هم مادرى إني حي..لكن مت من خنقة يدينه)
يالفــــرج..
صاحبي ماشفت زوله من فقدته ,,يوم شده
بس..!! لوجاني على قلعت عيوني ..حالفٍ إني ما أرده
والمودة ,, يالفرج.. هي المودة
صاحبي.. مالي بصده
صاحبي روحي عرينه
ولو نصاني .. والنواصي " عشب قبري"
والله.. إني غصب لاحيــا ..ثم اعينه
ارتكيت.. وطحت
والجلمود نـــــــــــاخ
آه.. ياكذب الليالي البيض ..
آه.. ياظلم الصباخ
(من مشاها.. ولاوراه زنود تبري الكبد ... دااااااخ)
ياكثر ماخيبت ظن اللبيب..
وياكثر ماغيبت وجه قريب
وياكثر ماشاف منها ..صافي النية وشـــاخ
ارتكيت...وأثر ظلي مايمون!!
واثرني كومة طعون!!
من غلاة أصحابها ماقدرت ..ماقدرت أقول: آخ
لي مبــــــــــادي..
وصاحبي لوجار منه الجور ..عادي
وصاحبي لو هو قتل ذكراي.. عادي
وصاحبي لو هو بخل برضاي .. عادي
وصاحبي يبقى العزيز الناصع إللي له ودادي
ودام أنا ستره وثوبه...!!
صاحبي ماقول عنه أبداً .. وتوبه
ياهـــــــــلا به..
وبعيوبه.. وبذنوبه ياهـــــــلا
إن وصلني ,,ياهلا
وإن قطعني ..ياهلا
صاحبي.. وإلا فلا
والغلا نعمة كريم وساقها لكل المـــلا
ويالفـــــــرج
حاول تحب ..دام لأهل الارض رب
ولوتشوف اصحاب واجد حول قلبي لاتعاند
السواعد من سراب
الحصايد من يباس
و الشعر كذاب
خل فتال الشوارب ..عن يمينك
ولا تخاف من الحرج لو قيل وينك؟؟!!
كلهم مثلي تراهم بالنهاية ... طالبينك
يالفرج ..
يوم ضاقت قلت وينك يالفرج
قال جيت وشفت حولك ألف صاحب وخفت اسبب لك حرج
القصيده للشاعر// صالح الشادي
المزاج
» نهفات
» أعظم جنود الله
» حياتك الدنيا ..هي هكذا
» الوردة والفراشة
» وفوق كل ذي علم عليم
» عشاق الليل
» عبد الرحمن الداخل وتاسيس الدولة الحديثة
» اشتاقكم
» التين ..... الفاكهة الكنز